A XIV Olimpíada do Saber incluía entre os seus premios un día de excursión, así que os equipos clasificados nos tres primeiros postos, xunto cos membros dos clubs de lectura ABCD e Rabo Rizado, puideron gozar dun día de lecer e aprendizaxe. Eles mesmos escolleron o destino e os lugares a visitar: A cidade de A Coruña e tres dos seus edificios singulares: Torre de Hércules, Aquarium Finisterrae e A Domus. Antes das visitas tiveron tempo para pasear polo Campo da Rata deixándose fotografar diante dos "Menhires pola Paz" e achegarse ata a "Rosa dos ventos".
Para completar a xornada desprazámonos ata a librería Moito Conto, na Rúa San Andrés, para facer realidade, despois de dous anos de pandemia, o noso "Se o queres, cómprao": o noso alumnado remexe entre os libros, pregunta, déixase asesorar e acaba comprando aquelas lecturas que quere para a biblioteca do instituto. As nosas mochilas viaxeiras non podían ter mellor primeiro uso.
E parece que a escolla foi boa, pois algún xa non puido esperar a que o libro se rexistrase na biblioteca para empezar a lectura:
Ningún comentario:
Publicar un comentario