 |
| Cartel elaborado polo alumnado |
Os rapaces e as rapazas de 2º ESO C comenzaron na segunda avaliación a lectura de “A rapaza de tinta e estrelas”. Atopámonos ante unha novela misteriosa con xiros inesperados.
Nos primeros capítulos asistimos á desaparación dunha moza, feito que repercutirá nos habitantes da Illa. O alumnado móstrase expectante ante este suceso e continúa a lectura co fin de descubrir quen pode ser o culpable deste suceso. E aínda máis, producirase unha nova desaparición? É perigoso ese lugar? Como se sente a veciñanza? Quen ou que é o perigo?
Da man de Isa e Lupe -protagonistas da novela e amigas da desaparecida- percorreremos lugares prohibidos dentro da Illa. A escena complétase con outros moitos personaxes diversos como o pai de Isa, Pablo ou o gobernador do lugar.
Misterio, fantasía e sorpresa son algúns dos ingredientes que atoparemos nesta obra. Froito desta lectura, creamos un pequeno mural. Aroa, Nerea, Mariela e Iago buscaron aqueles elementos claves na trama, pero sen desvelar o verdadeiro segredo que agocha “A rapaza de tinta e estrelas”.
RESEÑA de NEREA RODRÍGUEZ IGLESIAS:
Eu doulle 5 estrelas a este libro porque me gustou moito, pero ademais, a historia envólvete, como se che estivese a pasar a ti.
É unha mestura de todos os xéneros que podes imaxinar, pero sobre todo, o misterio que percorre gran parte da obra. Nunca sabes o que vai ocorrer!
Recomendo moito este libro, lerédelo en moi pouco tempo e seguramente queirades volvelo a ler.
